熟小小豬嘅朋友都知佢係科學館嘅忠粉，所以當佢知道有新展區「彼思動畫的科學秘密」佢就好想嚟參觀。咁我就緊係努力做嘢，所以我跟到實，終於可以預約到係第一日開嘅時候帶佢嚟玩一轉啦！(明明第一日去，但今日先嚟Happy Share，唉…日日都俾小小豬捉左出去玩邊有咁多時間，佢放暑假我仲忙過平日呀)
好啦…講返個展覽先，入面分為八個組別介紹彼思動畫嘅製作程序，同時亦都透過一啲小遊戲，等小朋友知道點樣將動畫嘅初稿、繪圖、顏色配合、燈光、圖片像素…等，融合係STEAM嘅概念。
睇完對動畫係會多左認識，所以小小豬邊睇邊玩咁都係入面玩左兩個鐘。佢仲話….原來動畫創作係需要咁多功夫，由頭髮去到每個場景，都需要好多步驟用心結合而成，所以我地要更加要欣賞每套動畫啦！
睇完新展區之後，仲可以係館外三面場景打卡添。如果大家係Pixar Fans，又或者想了解多啲動畫製作，咁就快啲Mark實時間上網預約，因為真係好搶手呀(預約系統於每天早上7時更新) ~> https://hkscm-pixar.com/zh/event/the-science-behind-pixar/1
香港科學館 Hong Kong Science Museum
Search